२२ साउन, काठमाडौं । रेग्मी सरकारलाई अबैधानिक भन्दै निर्वाचन प्रक्रियाको विरोधमा रहेको वैद्य नेतृत्वको माओवादी र यसको मोर्चामा आवद्ध साना दलका नेताहरु उच्चस्तरीय राजनीतिक समितिसँग वार्तामा बसेका छन् ।
नयाँ वानेश्वरमा दिउँसो दुई बज्न लाग्दा शुरु भएको वार्तामा माओवादी नेता मोहन वैद्य, रामबहादुर थापा, सीपी गजुरेल, देव गरुङ, नेत्रविक्रम चन्द, पम्फा भुसालसमेत सहभागी छन् । वार्तास्थलमा ३३ दलीय मोर्चाका तर्फबाट भावना विद्रोही समेतको जम्बो टोली प्रवेश गरेको छ ।
